Të dielën, më 1 nëntor 2026, presidenti i Rotary Club Skodrin, Arben Haveri, së bashku me anëtarët Skender Strica dhe Adriatik Basho, zhvilluan një takim miqësor në Budva me presidentin e Rotary Club Budva, Luka Djonovic, dhe zëvendëspresidenten e klubit, Danijela.
Protect Mare Nostrum – mbrojtja e mjedisit detar
Në kuadër të aktiviteteve rotariane “Protect Mare Nostrum”, takimi shërbeu për shkëmbimin e ideve mbi mbrojtjen e mjedisit detar dhe mundësitë për bashkëpunim të ardhshëm ndërmjet dy klubeve.
Miqësia rotariane përtej kufijve
Bashkëbisedimi u përqendrua në forcimin e miqësisë rotariane, njohjen më të afërt ndërmjet klubeve dhe dëshirën për zhvillimin e nismave të përbashkëta në shërbim të komuniteteve tona.
Falënderojmë presidentin Luka Djonovic dhe zëvendëspresidenten Danijela për mikpritjen e ngrohtë, bashkëbisedimin e hapur dhe gatishmërinë për bashkëpunim. Një falënderim i veçantë edhe për anëtarët e Rotary Club Skodrin, Skender Strica dhe Adriatik Basho, për praninë dhe kontributin e tyre në këtë takim.
Miqësia rotariane na afron dhe na hap rrugën për të shërbyer së bashku përtej kufijve!