Me kënaqësi dhe krenari ndajmë lajmin se më 15 shtator 2026, Rotary Club Skodrin u miratua nga Rotary International, duke marrë edhe certifikatën e tij zyrtare.
Ky është një moment i veçantë për të gjithë ne që kemi kontribuar në krijimin e klubit dhe, njëkohësisht, fillimi i një rrugëtimi të ri në shërbim të komunitetit.
Një mundësi e re për Shkodrën
Rotary Club Skodrin është një mundësi më shumë për Shkodrën — një hapësirë ku njerëzit bashkohen rreth miqësisë, shërbimit, bashkëpunimit dhe projekteve që mund të sjellin ndryshim pozitiv në qytetin tonë.
Fillimi i rrugëtimit tonë
Nga ky moment fillon puna jonë. Me përkushtim ndaj komunitetit, me vëmendje të veçantë ndaj të rinjve dhe njerëzve në nevojë, dhe me dëshirën për të ndërtuar ura bashkëpunimi brenda dhe jashtë Shqipërisë.
Falënderojmë të gjithë ata që na mbështetën në rrugën drejt krijimit dhe njohjes së klubit.
Service Above Self – Shërbimi mbi veten.
Rotary Club Skodrin | Shkodër, Shqipëri
